განვადება და ნაწილ-ნაწილ გადახდა — რომელი ბანკით

შენს მაღაზიას შეუძლია შეკვეთის გაფორმებისას ერთად შესთავაზოს განვადება ყველა იმ ბანკით, ვისთანაც შეთანხმება გაქვს: საქართველოს ბანკი (განვადება 45 ₾-დან 15 000 ₾-მდე და ნაწილ-ნაწილ — 4 ნაწილი 0%-ით, 45 ₾-დან 5 000 ₾-მდე), თიბისი (Flitt-ით 50 ₾-დან — 4 ნაწილი 0%-ით ან უფრო გრძელი ვადა — ან თიბისის საკუთარი განვადების API-ით 50 ₾-დან) და კრედო (Keepz-ით, 50 ₾-დან 12 000 ₾-მდე). თითოეული ცალკე ირთვება გადახდების გვერდზე. Flitt-ის განვადებას სჭირდება, რომ ბარათით გადახდა Flitt-ით გქონდეს, კრედოს განვადებას — Keepz-ით. საქართველოს ბანკის ვარიანტები იყენებს შენს BOG-ის გასაღებებს (ან ცალკე BOG-ის გასაღებებს, თუ შეიყვან), თიბისის საკუთარ API-ს კი სჭირდება ოთხი მნიშვნელობა, რომელსაც თიბისი გაძლევს. მყიდველი ყველა ჩართულ ვარიანტს ერთ ჯგუფში ხედავს — „ნაწილ-ნაწილ ან განვადებით“; ვარიანტი, რომლის თანხის ფარგლებშიც შეკვეთა არ ხვდება, ჩანს, მაგრამ არ ირჩევა და მიზეზს წერს. სესხზე გადაწყვეტილებას ბანკი იღებს და თანხას შენ გირიცხავს; Sellit თანხას არ ინახავს. ლიბერთი ბანკს, სპეისს და ტერაბანკს მერჩანტის API ჯერ არ აქვთ გამოქვეყნებული, ამიტომ Sellit მათ ვერ გთავაზობს. Sellit-ის AI ამას შენ მაგივრად არ რთავს, რადგან თითოეულს ბანკთან შენი შეთანხმება სჭირდება: ის გეტყვის ნაბიჯებს და გადახდების გვერდზე გადაგიყვანს.