გადახდა, გაუქმება და თანხის დაბრუნება

ვინ ვართ

Sellit-ს მართავს შპს სელით (საიდენტიფიკაციო კოდი 405898006; იურიდიული მისამართი: საქართველო, თბილისი, საბურთალოს რაიონი, ვაჟაფშაველას გამზირი, N9). ელფოსტა: contact@sellit.ge. ტელეფონი: +995 577 08 10 14, +995 598 30 21 02.

რას ყიდულობთ და როგორ მიიღებთ

Sellit ყიდის ონლაინ მაღაზიის პროგრამული უზრუნველყოფის გამოწერას: Start 59 ₾, Pro 109 ₾, Max 139 ₾ თვეში, ან წლიურად — 12 თვე 10-ის ფასად. დანამატი: AI გამყიდველი — +20 ₾ თვეში (Start-ზე). ფასები ლარშია (GEL) და ნაჩვენებია გვერდზე sellit.ge/pricing.

მომსახურება ციფრულია. გადახდისთანავე გეგმა ჩაირთვება თქვენს პანელში. ფიზიკურად არაფერი იგზავნება და მიწოდების საფასური არ არის.

უფასო საცდელი პერიოდი

პირველი 30 დღე უფასოა და ბარათს არ მოითხოვს. საცდელ პერიოდზე თანხა არ ჩამოგეჭრებათ. პერიოდის ბოლოს გეგმას იხდით, ან მაღაზია ოფლაინ გადადის.

როგორ იხდით

გეგმას იხდით პანელიდან: „გეგმა და გადახდა“ → „გადახდა“. გადახდამდე ხედავთ გეგმას (დანამატით, თუ გაქვთ) და სრულ თანხას ლარში. ღილაკით „გადახდის გაგრძელება“ გადადიხართ ბანკის დაცულ გადახდის გვერდზე და ბარათის მონაცემებს მხოლოდ იქ შეიყვანთ.

ეს ერთჯერადი გადახდაა ერთი პერიოდისთვის (თვე ან წელი): ბარათი არ ინახება და შემდეგ თანხა ავტომატურად არ ჩამოიჭრება. ავტომატური ჩამოჭრა (მომსახურების პირობები, პუნქტი 22) მხოლოდ შენახული ბარათით არის შესაძლებელი, დღეს კი ბარათი არ ინახება. გამოწერა გაუქმებამდე გრძელდება და ყოველ შემდეგ პერიოდს ისევ პანელიდან იხდით. თუ ვადაში არ გადაიხდით, მაღაზია შეიძლება ოფლაინ გადავიდეს; გადახდისას ის ისევ ჩაირთვება.

ფასის ცვლილებას მინიმუმ 30 დღით ადრე გაცნობებთ.

გაუქმება

გამოწერის გაუქმება ნებისმიერ დროს შეგიძლიათ პანელიდან: „გეგმა და გადახდა“ → „გამოწერის გაუქმება“. გაუქმება ძალაში შედის მიმდინარე გადახდილი პერიოდის ბოლოს: მანამდე მაღაზია მუშაობს, შემდეგ ახალი გადახდა აღარ მოგეთხოვებათ.

თანხის დაბრუნება

გადახდილი პერიოდის დარჩენილ ნაწილზე თანხა ნაწილობრივ არ ბრუნდება, გარდა იმ შემთხვევისა, როცა ამას იმპერატიული კანონი მოითხოვს (მომსახურების პირობები, პუნქტი 22).

თანხას ვაბრუნებთ, თუ: ერთი და იგივე პერიოდისთვის ორჯერ გადაიხადეთ; თანხა ჩამოგეჭრათ გაუქმების შემდეგ ან თქვენი თანხმობის გარეშე; ან ჩამოჭრილი თანხა აღემატება თქვენი გეგმისა და დანამატების ფასს — მაშინ სხვაობას ვაბრუნებთ.

როგორ მოითხოვოთ თანხის დაბრუნება

მოგვწერეთ contact@sellit.ge-ზე თქვენი Sellit ანგარიშის ელფოსტიდან, ან მიუთითეთ ტელეფონის ნომერი, რომლითაც შედიხართ. მიუთითეთ მაღაზიის სახელი, გადახდის თარიღი და თანხა. გიპასუხებთ 10 სამუშაო დღის განმავლობაში.

დადასტურებული თანხა ბრუნდება იმავე ბარათზე, იმავე გადახდის პროვაიდერის გავლით. ბანკს თანხის ასახვას ჩვეულებრივ 5–10 სამუშაო დღე სჭირდება.

ბარათით გადახდის უსაფრთხოება

გეგმის საფასურს ბარათით იღებს ჩვენი გადახდის პროვაიდერი, თავის დაცულ გვერდზე. ბარათის მონაცემებს მხოლოდ იქ შეიყვანთ. Sellit ბარათის ნომერს, ვადას და CVV კოდს ვერ ხედავს და არ ინახავს. როგორ ვიცავთ მონაცემებს: ინფორმაციის უსაფრთხოების პოლიტიკა.

სამართლებრივი ინფორმაცია და თქვენი უფლებები

შპს სელით რეგისტრირებულია მეწარმეთა და არასამეწარმეო (არაკომერციული) იურიდიული პირების რეესტრში და მოქმედებს საქართველოს კანონმდებლობის, მათ შორის „ელექტრონული კომერციის შესახებ“, „მომხმარებლის უფლებების დაცვის შესახებ“ და „პერსონალურ მონაცემთა დაცვის შესახებ“ კანონების შესაბამისად.

თუ გამოწერას მომხმარებლად ყიდულობთ და არა ბიზნესისთვის, „მომხმარებლის უფლებების დაცვის შესახებ“ კანონით მინიჭებული უფლებები ამ გვერდით არ იზღუდება. ეს გვერდი მომსახურების პირობებს მოკლედ იმეორებს; განსხვავების შემთხვევაში უპირატესია პირობები.