კატეგორიები: ქართული და ინგლისური სახელები
კატეგორიებს მართავ პროდუქტების გვერდზე, ჩანართში „კატეგორიები“. აქ კატეგორიას დაამატებ ჯერ კიდევ პროდუქტის გარეშე, სახელს გადაარქმევ, რიგს შეცვლი და წაშლი. წაშლა პროდუქტებს არ შლის: ისინი რჩება, უბრალოდ კატეგორიის გარეშე. თუ სახელს უკვე არსებულ კატეგორიად გადაარქმევ, ორი კატეგორია ერთდება. თითოეულ კატეგორიას აქვს ველი ინგლისური სახელისთვის: ჩაწერე ხელით ან დააჭირე „ინგლისური AI-ით“ და AI ყველა ცარიელ ველს ერთად შეავსებს (ერთი AI კრედიტი; შეამოწმე და შეინახე).
საიტის ინგლისურ ვერსიაზე (/en) მყიდველი ინგლისურ სახელს ხედავს: მთავარ გვერდზე, მენიუში, ფილტრში და პროდუქტის გვერდზე. ინგლისური სახელი თუ არ გაქვს, ჩანს ქართული. პროდუქტის რედაქტორში კატეგორიას სიიდან აირჩევ ან ახალს აკრეფ. კატეგორია მყიდველს მაღაზიაში ძებნაშიც ეხმარება. ჩანართში „კატეგორიები“ არის ბარათიც „ტეგები ინგლისურად“ შენი პროდუქტების ყველა ტეგით. ჩაწერე თითოეული ტეგის ინგლისური სახელი ან დააჭირე „ინგლისური AI-ით“, შემდეგ შეინახე.
საიტის ინგლისურ ვერსიაზე (/en) მყიდველი ტეგს ინგლისურად ხედავს: პროდუქტის ბარათზე და ჩანართებში. ინგლისური სახელის გარეშე ტეგი ქართულად ჩანს. Sellit-ის AI ცარიელ ინგლისურ ველებს ყოველ საათში თავად ავსებს (პროდუქტების სახელები და ტექსტები, კატეგორიებისა და ტეგების სახელები, გვერდის ტექსტები); შენ მიერ დაწერილ ინგლისურს ის არასდროს ცვლის, და ნებისმიერ მათგანს იმავე ინგლისურ ველებში შეცვლი.
ამას შენი AI კრედიტი არ ხარჯავს. ეს თემა AI ასისტენტისთვის მხოლოდ საინფორმაციოა: სახელებს შენ ცვლი ეკრანზე, სადაც სიას ხედავ, ამიტომ AI კატეგორიებს და ტეგების სახელებს შენ მაგივრად არ ცვლის.
